A I Xornada “Avances da Biofabricación en Galicia” recolle os traballos desenvolvidos polos egresados e egresadas da primeira promoción do Mestrado Universitario en Biofabricación, impartido conxuntamente pola Universidade de Vigo, a Universidade de Santiago de Compostela e a Universidade da Coruña.

Esta xornada constitúe unha mostra representativa do alto nivel científico e do potencial innovador da I+D que se promove desde as universidades, os centros tecnolóxicos e as empresas en Galicia.

Os traballos presentados abordan unha ampla variedade de temáticas de vangarda no eido da biofabricación, entre as que destacan os biomateriais avanzados, a bioimpresión 3D, as tecnoloxías microfluídicas e os sistemas organ-on-a-chip. Esta diversidade reflicte non só a riqueza do programa formativo, senón tamén a capacidade do alumnado para aplicar coñecementos interdisciplinares aos retos actuais da sociedade.